Scéim Deontais d'Imeachtaí agus Tionscnaimh Ghaeilge seolta ag Méara Chontae Chorcaí

People sitting in a Park on a sunning day listening to musicians play under a Gazebo.

Tá Scéim Deontais Imeachtaí agus Tionscnaimh Ghaeilge 2025 seolta ag Comhairle Contae Chorcaí. Seo an tríú bliain den chlár, a seoladh in 2023 chun maoiniú a chur ar fáil d’imeachtaí, do thionscadail agus do thionscnaimh Ghaeilge laistigh de Chontae Chorcaí.

Tacaíonn an scéim le tionscadail a úsáideann agus a chuireann an Ghaeilge chun cinn, lena n-áirítear féilte, ceolchoirmeacha, laethanta pobail a thacaíonn le teaghlaigh, comhdhálacha, scannáin, drámaí, nó aon fhoirm ealaíne a cheiliúrann agus a spreagann úsáid na Gaeilge ar bhealach a théann chun sochair agus a chuimsíonn an pobal.

D’fháiltigh Méara Chontae Chorcaí, an Clr. Joe O’Carroll roimh fhilleadh na scéime,

Táim ag spreagadh eagraíochtaí ar fud an chontae, a d’fhéadfadh a bheith i mbun imeachtaí a eagrú trí Ghaeilge, cur isteach ar an deontas seo. Cibé an bhfuil d’eagraíocht lonnaithe sa Ghaeltacht, nó i gceantar eile den chontae, nó i scoil nó i gclub spóirt, nó áit ar bith a bhfuil an Ghaeilge á labhairt agus á húsáid mar chuid lárnach de d’ócáid, b’fhiú machnamh a dhéanamh ar an deontas seo.

Dúirt Príomhfheidhmeannach Chomhairle Contae Chorcaí, Moira Murrell,

Portrait of the Chief Executive, Moira Murrell
Download original image

Moira Murrell

Príomhfheidhmeannach

Ceannceathrú Chomhairle Contae Chorcaí, Halla an Chontae, Bóthar Charraig Ruacháin, Corcaigh, Éire. Eirchód: T12 R2NC.

Tá Comhairle Contae Chorcaí bródúil as tacaíocht a thabhairt d’imeachtaí Gaeilge. Cabhraíonn scéimeanna deontais le grúpaí imeachtaí agus tionscnaimh a cheiliúrann an Ghaeilge a eagrú. Is ábhar misnigh é an méadú ar iarratasóirí agus ar fhaighteoirí deontais anuraidh, le 16 imeacht agus tionscnamh tacaithe in 2024, suas ó 11 in 2023.

I measc na dtionscadal rathúla in 2024, bhí grúpaí comhrá áitiúla agus gníomhaíochtaí i mBéarra, Béal Átha an Cheasaigh agus Cill Muire; dhá fhéile scannán in Eochaill agus sa Scoil; comhdháil ; dráma Gaeilge i mBaile Chaisleáin Bhéarra; tionscadail ealaíon, féilte agus taispeántais ar Chléire, ar Bhéarra agus ar an gCóbh; chomh maith le himeachtaí ceoil i dTeach Fota agus i nGaeltacht Mhúscraí.

Is é an t-uasmhéid a dheonaítear d’imeacht ar bith ná €1,500 faoin scéim seo. Féadfaidh eagraíochtaí iarratas a dhéanamh ar níos mó ná imeacht amháin laistigh den tréimhse iarratais, agus déanfar iad seo a mheas ag brath ar mhaoiniú a bheith ar fáil agus an tionscnamh ag comhlíonadh na gcritéar deontais.

Tá an scéim seo oscailte d’iarratais go dtí am scoir gnó Dé hAoine 9 Bealtaine, 2025. Tá tuilleadh eolais agus sonraí maidir le conas iarratas a dhéanamh ar fáil ag www.corkcoco.ie/en/council/irish-language-office